Landsbyggðin.

Er ekki kominn tími til að við flytjum til baka í litlu þorpin?

Þeir sem fluttu frá þorpunum til Reykjavíkur til að eltast við vinnu o.f.l. koma til með að flytja til baka (nema það verði unga fólkið sem flytur út á land, það er jafnvel ennþá betra)
Svo þegar þeir verða komnir í kyrrð náttúrunnar og upplifa samkennd litlu þorpanna mun rifjast upp fyrir þeim að þetta var það sem alltaf vantaði fyrir sunnan.

Þar sem er atvinna og húsnæði á viðráðanlegu verði, þangað mun fólk leita í nánustu framtíð.  Það verður gaman að sjá byggðirnar blómstra á ný.

Sjálf myndi ég gjarnan vilja komast í búskap en jarðnæði kostar meira en ég get þénað á minni ævi og því útséð um það.  Á sama tíma og ég þrái að komast í sveitina hefur hver jörðin eftir aðra lagst í eyði því afkomendur vilja ekki búa á þeim eða ósamkomulag erfingja gerir það að verkum að allt grotnar niður án þess að nokkuð verði að gert. 

Fólksflótti frá Íslandi

Athugasemdir

[Tinna Gunnarsdóttir Gígja, 21.10.2008 kl. 10:14]

Samkennd litlu þorpanna...piff. Má ekki freta án þess að öll sveitin frétti af því innan fimm mínútna. Má ég frekar biðja um afskiptaleysi borgarinnar.

[Landi, 21.10.2008 kl. 12:29]

Ég minntist á það í einni færslu hjá mér 26 mars að það væri fá annað í stöðunni hjá mörgum Íslendingum að flýja land,staðan hefur bara versnað frá þeim tíma svo að þetta kemur mér ekki neitt á óvart..

Hefði ég sjálfur tök á að fara væri ég farinn,helst niður á key West á humarveiðar,nema hvað að nú í dag er bara borgað um 5 dollara fyrir pundið en var fyrir 2 vikum 7-10 dollarar á pund. Og Gallon af bensíni var þá 3.75 dollar,aðeins dýrari en fyrir ofan brýrnar.

En það er víst fínt að vera þar núna,um 30 C° hiti og litið um túrista þar sem dollar og evra eru það dýr að fáir sem fara þangað núna.

[Ragnar Borgþórs, 21.10.2008 kl. 17:56]

Ég efast ekki eitt augnablik að landsbyggðin bíður uppá annarskonar og rólegra líf.  Ég á samt ekki von á að fyrirtækin sem seldu kvótann úr byggðinni rísi aftur.   Það þarf að endurskipuleggja kvótakerfið og binda það byggðarlögunum.

Ég haf alla mína hunds og kattartíð búið í borginni og heldur ragur að taka mig upp.

[Ragnar Borgþórs, 21.10.2008 kl. 18:00]

P.S.

Fyrir fjórum árum kom ég atvinnu minnar vegna á Ísafjörð og síðan 3 sinnum aftur.  Ég hreifst svo af fólkinu og byggðinni að mig langaði að flytjast þangað, skömmu seinna hiti ég félaga minn sem búið hafði á Patró hann spurði mig hvort ég hafi komið þarna að vetri til, "end of story" hætti við.