Þjófnaður barna.

Hversu mikla athygli ætli þessi blessuð börn hafi fengið frá foreldrum sínum svona dags daglega?

Það er af sem áður var að börn gætu leitað ásjár ömmu og afa þegar athygli foreldranna þraut einhverra hluta vegna.  Og ekki aðstoðar samfélagið en er fljótt til að dæma og hugsa það versta...

Ekki vildi ég vera barn í dag. 

9 ára stúlkur staðnar að búðarhnupli

Athugasemdir

[Móðir (IP-tala skráð) 6.3.2007 kl. 21:32]

Fyndið hvernig þú byrjar greinina þína!!! "hversu mikla athygli..."

Sem móðir annarra stúlknanna verð ég að svara þessu, ég er heimavinnandi og fær hún mikla athygli frá mér og mjög jákvæða athygli, en þegar það er altalað í skólanum hversu auðvelt er að stela í hverfisbúðinni þá verða allir krakkarnir að prófa þetta!!  og engin börn eru undantekning skal ég segja þér.

En þetta er skondið hvernig mbl.is skellir fréttinni upp, það mætti alveg koma meira fram, eins og hvað það var sem þær stálu og fleira... en það er svo sem önnur saga...

En got er að fólk hafi staðreyndirnar á hreinu. takk fyrir.

Móðirin

[Ísdrottningin, 6.3.2007 kl. 22:41]

Ég er enda ekki að tala eingöngu um mál dóttur þinnar og vinkonu, það er líka minnst á 18 ára dreng og fleiri þjófnaði í bænum.

Ég opna bloggið (eða greinina) með almennri hugleiðingu vegna þess að ég held að foreldrar almennt, ég sjálf þar með talin, eyðum ekki nægum tíma með börnunum okkar og það er ekki meint sem ádeila á þig persónulega heldur skilið eftir opið þannig að þeir geti tekið til sín sem eiga. 

Gott hjá þér samt að koma fram og segja þitt þegar þú telur að þér vegið.