Nei, bíðum nú við!

,,Samið var um það í allsherjarnefnd þingsins í dag að fyrningarfrestur á alvarlegum kynferðisbrotum gegn börnum verði afnuminn"

Já, til hamingju Íslendingar og þó fyrr hefði verið.

 En bíðum nú við, ,,fyrningarfrestur á alvarlegum kynferðisbrotum gegn börnum" Orðalagið gefur til kynna að til séu kynferðisbrot gegn börnum sem ekki eru alvarleg!                                                  Hver skyldu þau nú vera?   Ég leyfi mér að endurtaka: ,,kynferðisbrot gegn börnum," 

Allt sem heitir kynferðislegt sem beinist að börnum er alvarlegt brot og öll tilvísun í annað, sérstaklega í véfengjanlegu lagaumhverfi tel ég vera alvarlegt brot á réttindum barna.    Ef þörf er á að flokka alvarleika brotanna er kannski hægt að gera það í refsirammanum sjálfum en það verður að vera 100% öruggt að kynferðisbrot gegn börnum séu sjálfkrafa viðurkennd sem alvarleg brot.

Takk fyrir mig. 

Fyrningarfrestur á kynferðisafbrotum gegn börnum afnuminn

Athugasemdir

[Ólafur Als, 18.3.2007 kl. 01:14]

Gott mál loks komið í höfn. Má ekki vera að hér sé um að kenna eðli stofnanamáls þar sem textasmiðir leggja ofuráherslu á að gera ekki formleg mistök. E.t.v. áhugaverður flötur á ádrepunni í ljósi áhuga þíns á hinu ástkæra ylhýra ?

[Tinna Gunnarsdóttir Gígja, 18.3.2007 kl. 16:37]

Bíddu bara. Næstu dagar verða fullir af kjaftæði um að þetta sé ósanngjarnt gagnvart hinum brotlegu. Þá fyrst tjái ég mig um þetta.