Allt góðar ástæður

til að efla kynfræðslu unglinganna okkar.

Mér finnst full ástæða til að leggja sérstaka áherslu á það við unglingsstúlkur að stundi þær óvarið kynlíf megi þær eiga von á kynsjúkdómum og/eða ófrjósemi.   

1729 klamydíutilfelli á síðasta ári

Athugasemdir

[Predikarinn - Cacoethes scribendi , 5.7.2007 kl. 13:53]

Eina örugga ráðið er auðvitað að fólk taki síg á í siðferðismálunum og byrji að tileinka börnunum sínum slíkt hið sama. Hættið að hoppa upp í bólið í tima og ótíma með nýjum og nýjum bólfélaga. Slakið á og farið einungis í rúmið þegar lífsförunauturinn hefur verið valinn. Alveg pottþétt ráð sem getur ekki klikkað.

[Anna, 5.7.2007 kl. 15:25]

Úff, eigum við ekki bara að læsa þau inni?!  Fræðsla er lykilatriði, því meira sem blessuð börnin vita, þeim mun meiri líkur eru á því að þau geti tekið sínar ákvarðanir á réttum forsendum.  Það er ekkert eitt endilega rétt fyrir alla.

Það er engum greiði gerður með því að banna hlutina og minnast ekki á þá og ætlast svo til þess að fólk viti allt þegar það verður „fullorðið.”

[Predikarinn - Cacoethes scribendi , 5.7.2007 kl. 15:46]

Það er ekki endilega verið að banna. Heldur að fræða börnin þannig að það sé góður siður og gott siðferði að valsa ekki milli bólfélaga. Svo er ekki verra að foreldrar veiti gott fordæmi í þessum efnum sem öðrum. Alist börnin upp við þetta þá er engin þörf hjá þeim að misstíga sig á svelli vafasamra bólfélaga.

[Anna, 5.7.2007 kl. 16:04]

Jæja,  þá hef ég misskilið þessa síðustu klausu hjá þér um að fara í rúmið þegar lífsförunauturinn er fundinn   Það er hins vegar einn uppáhaldsfrasi hinna amerísku siðgæðispostula sem mega ekki heyra á það minnst að unglingar fái vitneskju um tilvist smokksins, pillunnar eða annarra getnaðarvarna eða nokkurs annars sem nauðsynlegt er að vita áður en UPPLÝST ákvörðun er tekin um að stunda kynlíf. 

Ég held hins vegar að það sé mun hættulegra að segja ekkert um þessa hluti...

[K Zeta, 5.7.2007 kl. 23:33]

Held að fræðslu sé ábótavant og líka vanræksla heima fyrir að ræða kynlíf með börnunum sínum.  Heilsugæslan gæti líka verið virkari þ.e. heimilislæknirinn á að þekkja til staðhátta sinna skjóstæðinga og prufa gegn sýkingu telji hann ástæðu til.