Tilkynning: Bifreið stolið aðfaranótt 30. ágúst.

Tilkynning:
Bifreiðin Toyota Hilux JS-497 sem er dökkgrænn Double Cab, bensínbíll, var stolið af bílastæði í Grafarvogi í nótt sem leið.   Talið er að bifreiðin hafi verið notuð í vafasömum tilgangi (sást á vettvangi utan Reykjavíkur) en ekki er vitað hvar bíllinn er niðurkominn nú.  Ef athugull lesandi kemur auga á bílinn, vinsamlegast hafið þegar samband við lögreglu.
 

 

Já, Það á ekki af honum bróður mínum að ganga! 
Hann á afmæli í dag (Enn og aftur til hamingju með afmælið elsku bróðir) og dagskrá dagsins var ákveðin því þeir félagarnir ætluðu að steggja vin sinn í dag með heljarinnar húllumhæi en þegar bróðir minn ætlar að leggja af stað til að hitta félagana, var bíllinn hans horfinn!
Honum hafði verið stolið af bílastæði fyrir utan heimili bróður míns án þess að nokkur yrði var við.
Bróðir minn mátti því una við að sitja næstu stundir á lögreglustöðinni við að gefa skýrslu og missa þar með að mestu af steggjuninni.  Hann situr því nú með sárt ennið á afmælisdaginn, miður sín af áhyggjum yfir bílnum.

Kæru bloggarar, vinir og vandamenn, það er ekki vitað hvar á landinu bíllinn er niðurkominn en hann er greinilega í höndum óvandaðra. Mig langar til að biðja ykkur um að svipast um eftir bílnum og ef þið komið einhverstaðar auga á hann, látið þá lögreglu STRAX vita.

smá ps.  Ég mun setja inn tilkynningu hér á bloggið um leið og bíllinn er fundinn, en á meðan biðjum við um aðstoð ykkar við að finna bílinn.

Mynd af bílnum:

Athugasemdir

[Landi, 4.9.2008 kl. 16:09]

Sá á 4x4 vefnum að bíllinn sé fundinn sem er bara frábært,en það er helvíti hart að eigur fólks fá ekki að vera í friði fyrir utan heimilin.

Vonandi var luxinn í heilu lagi er hann fannst.

Kv landi

[Ísdrottningin, 5.9.2008 kl. 13:04]

Hann er svolítið lemstraður; rispur á lakki, brotið framljós, loftnet brotið en ekkert stórvægilegt.  Sem betur fer náðu þeir ekki að setja mikið af díselolíu á bílinn þannig að við gátum bjargað því en hann varð ógangfær hjá þeim við það og þessvegna yfirgáfu þeir bílinn þar sem hann fannst.  Það er eins og lögreglan sagði mun skárra en þegar þeir keyra bílana upp í Heiðmörk og kveikja í þeim eftir notkun.  Þetta er bara svo mikil innrás einhvernveginn, við jeppamenn lítum sjaldnast á jeppana okkar sem "bara" bíla.  

En það er kannski full ástæða til að vara eigendur eldri Toyota bifreiða við því að stundum virðist hægt að starta þeim með öðrum gömlum Toyota lyklum.  Við vitum ekki fyrir víst hvað gerðist hér en það verður settur nýr sviss í þennan bíl til að tryggja öryggi hans í framhaldinu.
 

[Landi, 6.9.2008 kl. 17:34]

Já þetta er ömulegt,en gott að ekki var um stærri skemmdir.

Er ekki bara málið að setja höfuðrofa/útsláttarrofa á góðan stað sem ekki sést.

[Ísdrottningin, 6.9.2008 kl. 17:57]

Já þú meinar, mér hafði nú ekki dottið það í hug.  Góð hugmynd

Eru menn bara heima og ekkert að jeppast yfir helgina?  Ég er grautfúl yfir að neyðast til að vera heima, mig langar svo úr bænum, helst að fara Gæsavatnaleið.

[Landi, 6.9.2008 kl. 19:52]

Já ég væri sko heldur betur til í að fara þá leið en er heima í staðinn jeppalaus,ég seldi jeppann fyrir nokkrum tíma og er alltaf á leiðinni að fá mér annan en það vill því miður alltaf dragast í lengur og lengur  er orðinn frekar leiður á fóksbílnum  en læt mig hafa það

[Ísdrottningin, 6.9.2008 kl. 19:58]

Ég gæti ekki hugsað mér að vera jeppalaus aftur, búin að prófa svoleiðis tímabil
Mér líður illa í bænum og vil helst vera sem mest á fjöllum.  (ég veit að ég er snarklikkuð  )

[Landi, 6.9.2008 kl. 20:11]

Já ég skil þig vel,er orðinn mjög veikur á þessu og væri helst til í að vera með top tjaldið inná hálendi og með lamb á grillinu sitjandi í gallanum á bláa útilegustólnum mínum.

Það er eru nú ekki kallað að vera klikkaður ef manni langar á fjöll,það er kallað að vera klikkaður ef manni langar að vera í bænum