Fleipur einar.

Er það þá Einar sem fer með fleipur?

  Barnaland.is í samstarfi við mbl.is tilkynnti að til að auka hagraðingu yrði vefurinn framvegis á dönsku sem að sjálfsögðu eru fleipur einar

Fréttavefur Morgunblaðsins hefur gert ítarlega úttekt á helstu aprílgöbbum fjölmiðlanna...

Ég er of syfjuð til að lesa þetta betur yfir ef að ske kynni að fleiri vitleysur leyndust þar en þessar villur eru of sorglegar til að vera raunverulega fyndnar! 

Góða nótt gott fólk. 

Varstu gabbaður í dag?

Ég vona

að þau hjón séu gott og hamingjusamt fólk sem getur búið barni sínu gott líf og að það verði ekki að einhverskonar "fjölmiðlafurðuverki" í kjölfarið. 

 

Þungaður karlmaður

Nú væri gott

að vera fyrir norðan.  Greinilega veður við hæfi Ísdrottningar þar.

Snjóflóð og hálka fyrir norðan

Enga hjálp að fá.

Ég hitti konu í morgun sem sagði mér sínar farir ekki sléttar en hún er konan sem var ráðist að með sprautu á bensínstöð um daginn.  Maðurinn vildi fá veskið hennar en hún sagði nei,  hann reyndi að taka það af henni.  Hún bauð honum að taka bara peningana en hann heimtaði veskið.

Hún varðist manninum og slóst við hann til að reyna að sleppa á meðan starfsfólk og aðrir stóðu og horfðu á, hún kallaði á fólkið að hjálpa sér en fékk engin viðbrögð.  Það er kannski skiljanlegt að fólk hafi verið hrætt en það sem mér finnst skelfilegst er að ÞAÐ HRINGDI EKKI EINU SINNI Á LÖGREGLUNA!   

Erum við orðin svo dofin að við gerum ekki lengur greinarmun á ráni í spennuþætti eða bíómynd í stofunni heima og bláköldum raunveruleikanum? 
Eða var það kannski af því að konan er ekki af íslensku bergi brotin? 

Tveimur sleppt í sprautunálaránamáli

Það var nú gott!

Ég vona að hún verði sem dýrust til að sem fæstir kaupi þetta glundur til drykkjar.

Á meðan þessi lífselexír kálfa er einungis fáanlegur gerilsneyddur, fitusprengdur og aukinheldur seldur frá kálffullum kúm (sem er hættulegt fólki vegna magns hormóna í mjólkinni) er þetta ekkert annað en krabbameinsvaldandi eitur í mínum huga og ég vona einnig að sem fæstir láti glepjast af endalausum yfirlýsingum um nauðsyn mjólkur til manneldis kalksins vegna.
Samkvæmt öllum nýlegum rannsóknum sem ekki eru fjármagnaðar af mjólkuriðnaðinum sjálfum, kemur það skýrt fram að mannslíkamanum gengur verr en talið var að vinna kalk úr mjólkinni.

Í fyrra voru birtar niðurstöður úr bandarískri rannsókn þar sem verið var að kanna kalkbúskap og beinþéttni kvenna.  Rannsakaðir voru tveir hópar kvenna, hópur kvenna sem látinn var drekka ákveðið magn mjólkur á dag að staðaldri og hópur kvenna sem ekki drakk mjólk og helstu niðurstöður voru þær að mjólkurhópurinn stóð ekki betur að vígi, hvorki hvað varðar kalk né beinþéttni.  Einhver hluti hópsins stóð jafnvel verr að vígi en samanburðarhópurinn hvað þetta varðaði!
(Þetta var stórt úrtak kvenna og stóð yfir í einhver ár, ég man ekki nákvæmar tölur en það kom meira að segja smá klausa um þessa rannsókn hér á mbl.is)

Kalk og D-vítamín er lífsnauðsynlegt, sérstaklega okkur kvenfólkinu en við verðum að geta unnið það úr fæðunni til að það geri okkur gagn...

Ég man ekki betur en að það hafi verið reynt að ala kálf á gerilsneyddri og fitusprengdri mjólk.
Hann steindrapst, segir það ekki allt sem segja þarf?

 

Ef þig vantar kalk og telur þig ekki vera að fá nóg úr fæðunni er gamla góða eggið í sítrónusafanum góð lausn og ekki skemmir fyrir að  þú getur skellt lýsinu (og/eða þeirri óhituðu lífrænu virgin olíu sem þú vilt) út í sítrónu-kalk-safann þinn og............ Voilá.... Þú ert kominn með þennan fína hollustudrykk til að byrja daginn á!

Mjólkurlítrinn í 100 krónur

Liggja þeir á lausu?

Óttalega finnst mér þetta barnalegt tilsvar frá reyndum stjórnmálamanni!

Gifstu milljónamæringi segir Berlusconi

Fjarri góðu gamni

Nú er alveg að skella á blúshátíð 2008 en því miður verður hún einmitt á þeim tíma sem jeppamenn, konur og Ísfólk eru á fjöllum og því fjarri góðu gamni.

Á síðunni  http://blues.is má sjá dagskrá hátíðarinnar sem er ekki af verri endanum og vona ég að sem flestir mæti og njóti góðrar tónlistar hjá þessu frábæru tónlistarfólki.

Mér þykir afar leitt að missa af hátíðinni en vona að hún verði ekki síðri að ári. 

 

 

Föðurarfurinn fyrir bí.

Ef um einhvern annan hefði verið að ræða en Kjarval hefðu afkomendur ekki tapað föðurarfinum jafn miskunnarlaust í hendur hins opinbera.

Þar eð ekki er til neitt skriflegt í höndum Reykjavíkurborgar um að verkin hafi verið gjöf og í raun er þessi málarekstur allur hinn makalausasti.   Ef að Jón Jónsson bæri fyrir rétti að Páll Pálson hafi fyrir andlát sitt gefi sér jörð og vitni bæru að jú, Páll hafi nú einhvern tíman sagt sem svo, verða þá börn Páls einfaldlega af föðurarfinum?  Gengi Jón þá í burtu sen nýr kvaðalaus jarðeigandi?
Getur þetta virkilega gengið upp lagalega séð?  Jú gamalt minnisblað segir að Jón hafi verið sannfærður að um gjöf hafi verið að ræða!
Ég sé ekkert réttlæti í því. 

Erum við komin í sandkassann aftur?  ,,Já en hann sagði að ég mætti eiga dótið"  Eftir sandkassaævintýrin koma jú foreldrarnir og passa uppá að hver fari heim með það sem hann lagði til leiksins, það er ekki þannig að einn taki allt í skjóli valdsins  ,,sandkassinn er á minni lóð, ég má eiga dótið" 
Nei, það á ekki að níðast á minni máttar og það var Kjarval síðustu árin. 

Hvað ef að afi og amma fara í Alzheimer-gleymskunni að gefa frá sér hitt og þetta í vitna viðurvist, má þá viðkomandi hirða heilu innbúin og jafnvel fasteignirnar líka?  Nei slíkt kemur bara fyrir í skjóli valds borgarinnar og hins opinbera eða hvað? 

Þetta er til háborinnar skammar!
Mér finnst alveg lágmark að erfingjum verði boðnar fébætur í stað föðurarfsins og eins og eitt verk hvert þeirra (jafnvel þó það væri með kvöð um að verkin fari ekki út á sölumarkað næstu 70 árin eða eitthvað í þá áttina)

Sá aðdragandi sem hæstiréttur talar um að felist í því að ,,borgin ákvað að reisa listasafn og sýningahús sem skyldi bera nafn listamannsins" er fáránlegur og rök sem ég blæs á.   Hvað vita þeir um raunverulega skoðun Kjarvalanna á þeirri byggingu og þeirri sýndarmennsku sem í þeim heiðri bjó?  Mun minna en þeir halda get ég sagt ykkur!

Ráðamenn syðra gerðu hlutina eftir sínu höfði án þess að skeyta um nokkuð það sem skipti Kjarvalsbræður máli alveg eins og borgin og hennar ráðamenn fyrr og síðar gera gagnvart niðjunum enn þann dag í dag og eitt dæmi skal ég nefna hér:

Þannig er eins og flestir vita að þá voru þeir tveir bræðurnir sem tóku sér Kjarvalsnafnið (dregið af írska konungsnafninu Kjarvalus enda kom ekkert minna en konungsnafn til greina, hjá svo stórhuga mönnum).  Seinna þegar ákveðið var að kalla Kjarvalsstaði einmitt því nafni bjó Þorsteinn Kjarval á Kjarvalsstöðum vestur á fjörðum en það var þá lögbýli. Nafngift þeirra sunnlendinga var honum mikill þyrnir í augum en Jóhannes taldi sér ekki vera stætt á að fá menn til breytinga syðra þótt ekki væri hann sáttur. Málum lyktaði því þannig að ráðamenn Reykjavíkurborgar höfðu sitt fram  en Þorsteinn fannst sér ekki vært vestra og dó að lokum í Reykjavík enn jafn ósáttur við að helvítin fyrir sunnan stálu af honum bæjarnafninu.

Margar skemmtilegar sögur eru til af þeim bræðrum enda oft á tíðum kynlegir kvistir þar á ferð en það er mitt mat sem og flestra sem til þekkja að þeir kynnu síst að meta ráðsmennskurass Reykjavíkurborgar og dómara gagnvart niðjum Jóhannesar. 

Og svei attan og skammist ykkar bara. 

Dánarbú Kjarvals á ekki myndir Reykjavíkurborgar

Lést hún fljótlega?

Eða var hún tekin upp og látin fljótlega niður aftur? 

 

Þremenningarnir voru handteknir eftir árásina ásamt stúlkunni en hún var látin fljótlega

Þarna vantar eitthvað í setninguna.

Neita allir sök

Myndi þetta virka á Íslandi?

Ég held að þetta yrði erfiðara í framkvæmd fyrir þá hér á Íslandi, mannfæðar vegna, staðsetningar og tungumáls.

Ég fengi nú samt nettan hroll ef mér yrði sent eitthvað í þessum dúr.

Morðhótanir í fjölpósti